موقع نجوم بلس ينقل لكم أحدث الأخبار لحظة بلحظة من مصادر موثوقة، مع تغطية شاملة لمختلف المجالات لضمان وصول المعلومات إليكم بدقة وشفافية. تابعونا لمعرفة التفاصيل أولًا بأول.
تحدث محمد صلاح، لاعب نادي ليفربول الإنجليزي ومنتخب مصر، عن أبرز المحطات والأحداث في مسيرته الكروية، وعن حب ابنته مكة التمثيل وغيرها من الأمور الشخصية خلال حواره في قناة ON sport 1.
قال “صلاح”: “الغربة مش سهلة، لما حد بيتكلم معايا في الموضوع ده بفتكر أول شهرين تلاتة ليا في سويسرا، أنا كنت ماشي بكلم نفسي معرفش أي حاجة مبتكلمش انجليزي ولا ألماني سويسري ولا أي حاجة بتكلم عربي بالعافية”.
تابع: “جمهور مصر الناس دي مني، الناس دي الغلابة اللي عايزة تفرح وتكون مبسوطة بالكورة، كل اللي فارقلها أنها تيجي تتفرج على الماتش ومبسوطة أنها شايفاني.
بحس إن هو حب وغلب، الناس معندهاش أمل غيرك أنت، اللي حصل وقت ما اتصابت الناس انتقدتني علشان أنت مدينا أمل، أنت اتصابت؟ إحنا ملناش دعوة أنت اللي ضيعت الأمل، فأنا علشان فاهم ده فتمام”.
أكد: “مصر بالنسبة لي كل حاجة حلوة، مكة شايلة علم مصر في العربية، لما بييجي النشيد الوطني بحس كأنه حب طفولة بالظبط”.
وعن ابنته مكة، قال: “مفتكرش إن مكة ممكن تبقى لاعيبة كورة، هي مبتحبش الكورة أوي.
هي بتحب تمثل، ورمضان اللي فات كانت عايزة تمثل وقلت لها هظبطلك حاجة، ورمضان اللي جاي على حسب الأدوار اللي هتجيلها إيه، محدش كلمني لحد دلوقتي بس هشوف اللي هيجيلها يعني أكيد هيجيلها حاجة كويسة، ولو جالها حاجة كويسة أنا متحمس للفكرة وهي حابة الموضوع، مش عايزها تشتغل علشان بنتي عايزها تشتغل علشان هي كويسة، لو هي كويسة تكمل مش كويسة تشوف حاجة ممكن تبقى كويسة فيها”.
أشار محمد صلاح إلى أن هيكتور كوبر، المدير الفني الأسبق لمنتخب مصر كان ذكيا جدا، موضحا: “الناس فاكرة إنه مش فاهم حاجة، كوبر ده كان من أذكى الناس اللي جت مصر، بيطلعلك من القماشة دي حرير، ده اللي عنده، والدوري مكنش عندك أقوى دوري في أفريقيا ولا أقوى لاعيبة في أفريقيا وطلع مننا حاجة كويسة”.
وعن موعد اعتزاله كرة القدم، قال إنه يعتقد أنه من الممكن أن يستمر حتى عمر الـ 39 أو 40 عاما، ولكن إذا شعر قبل ذلك أنه لا يستطيع فسيقرر الاعتزال، لأنه يرى أنه حقق إنجازات كثيرة.
