خروج ملك أحمد زاهر من المستشفى.. ووالدتها: “حمد لله على سلامتك” – نجوم بلس

كشفت هدى زاهر، زوجة الفنان أحمد زاهر، خروج ابنتها الفنانة ملك أحمد زاهر من المستشفى صباح اليوم، وذلك بعد تعرضها لأزمة صحية مفاجئة في الفترة الأخيرة.

خروج ملك أحمد زاهر من المستشفى

وقالت هدي زاهر عبر حسابها الرسمي على منصة “إنستجرام”: “ملك خرجت والحمد والشكر من يومين وفي انتظار تقارير الأطباء عن الحالة بالظبط، هي أحسن وهتكون أحسن ببركة دعائكم ليها ومحبتكم.. إن شاء الله التحاليل الأخيرة تعرفنا إيه السبب اللي عمل فيها كده، وأنا متفائلة بالله جدًا وعارفة أن رب الخير لا يأتي إلا بالخير”.

وأضافت زاهر: “الحياة بتستمر والشغل والالتزامات بتستمر رغم كل الظروف وده بسبب واحد إننا مؤمنين بالله وسايبينها على الحي الذي لا يموت.. شكرًا لكل الأصدقاء والفنانين والمحبين والداعمين لأسرتنا ولملك تحديدًا وقريبًا جدًا هنطمنكم عليها بشكل نهائي ونفرح مع بعض برجوعها لحضننا بألف سلامة وعافية، الله خير حافظ وفعلًا دي حقيقة ربنا حماها من حاجات كتير وإحنا أحسن من غيرنا الحمد لله والشكر الله وشكرا لكل من تواصل معانا للاطمئنان علي صحتها”.

بعد وعكتها الصحية.. ملك زاهر تطلب من الجمهور الدعاء لها

نقل ملك زاهر للمستشفى بعد تعرضها لأزمة صحية مفاجئة

آدم تامر حسني وملك أحمد زاهر

واختتمت هدى زاهر حديثها: “ألف حمد الله على سلامتك يا روح قلب أمك وأبوكي وأخواتك، يا أطيب قلب في الدنيا وأظن عرفتي بعد الأزمة الصعبة دي قد إيه الناس بتحبك حبيبتي”، داعية لـ ابن تامر حسني: ”عقبال يارب ما نتطمن على آدم ابن تامر وبسمة ونفرح كلنا وفرحتنا تكبر.. يا رب يشفي كل مريض اللهم أمين”.

ماذا حدث لملك أحمد زاهر؟

وفي وقت سابق، نشرت ملك زاهر صورة وهي بالمستشفى، معلقة عليها بقولها: “أنا عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبا كنت باخدها بهزار وبتبقي بيني وبين صحابي”.

تعبانة وحياتي مش وردي

وتابعت ملك زاهر: “الفترة الأخيرة بيجي لي كومنتات كلها أنتي عايشة ومبسوطة وإحنا مش عايشين وإيه كل اللي انتي فيه ده.. حبيت أقول لهم إن الحياة مش وردي أنا بقالي 3 أيام تعبانة وعندي حاجة لحد دلوقتي مش فاهمين سببها رغم إني قبلها بنص ساعة كنت زي الفل ومن ساعتها مش عارفة أنزل أو حد يشوفني”.