موقع نجوم بلس ينقل لكم أحدث الأخبار لحظة بلحظة من مصادر موثوقة، مع تغطية شاملة لمختلف المجالات لضمان وصول المعلومات إليكم بدقة وشفافية. تابعونا لمعرفة التفاصيل أولًا بأول.
وجه الإعلامي مدحت شلبي انتقادات قوية إلى حسام حسن المدير الفني لمنتخب مصر، اعتراضًا على تصريحاته الأخيرة المتعلقة بقلة عدد المحترفين في المنتخب.
تصريحات مدحت شلبي
وقال شلبي عبر قناة «MBC مصر»:«مش موافق على تصريحات حسام حسن، نيجيريا اللي خرجت من كأس العالم كانت بتلعب بتسعة محترفين في أكبر أندية أوروبا وبرضه خسرت».
وأكد أن مستوى المنتخبات لا يُقاس بعدد المحترفين، موضحًا أن «القصة في الاختيارات والتكتيك والتدريب».
واختتم رسالته قائلاً: «الأفضل للكابتن حسام إنه ميتكلمش كتير، لأن الإعلام والجمهور مش هيسكتوا وقت الانفعال».
تصريحات حسام حسن
قال حسام حسن: “عايزين تطلعوني تريند ولا يهمني، وأنتو بتحاربو المدربين الوطنيين، يا راجل ده ميكالي مدرب المنتخب الأولمبي كان بياخد مبلغ وقدره، وعيب عليكم بصوا لمدرب المغرب الوطني”.
وتابع خلال المؤتمر الصحفي عقب لقاء كاب فيردي: “إحنا جهاز وطني بناخد بالجنيه المصري كراتب، واللي شايف إننا معملناش إنجاز بوصولنا لكاس العالم وكاس الأمم بدون هزيمة، بقولهم خليكم محروقين مننا”.
وأكمل: “أنتوا مبتفهوش حاجة، أنتو عارفين مين حسام وإبراهيم، تاريخنا إيه، فيه ناس جم دربوا منتخب مصر مكنوش اتولدوا وإحنا بنعمل التاريخ، بقول للمنتقدين “موتوا بغيظكم”.
وزاد: “الجهاز يعمل إيه أكتر من كده، جربنا لاعيبة وعملنا اللي علينا، واللاعيبة مرهقة جدا، بسبب السوبر المصري، واللي بيفهم في الكورة هيعرف إني مقدرش أزود في الأحمال”.
وواصل: “معندناش غير 2 محترفين فقط علشان منضحكش على بعض، عندنا 2 وربع بالظبط صلاح ومرموش ومصطفى محمد يعني سطر وسطر”.
وأضاف: “الراجل هناك لو خد الفرصة هيكسر الدنيا، لكن الفرق اللي بنلاعبها محترفين في كل حتة في العالم، وهنقابل منتخبات إفريقيا اللي عندهم 26 و 28 محترف في إنجلترا وفرنسا وإسبانيا”.
وذكر: “فوقوا، الفيفا عامل قيمة كل منتخب وفقا للمحترفين، إحنا أقل قيمة، يقولوا عندنا وعندنا”.
واختتم حسام حسن تصريحاته: “عندنا لاعيبة محلية بنحاول نخليهم دوليين، بنحاول إنهم يشيلوا علم مصر، وأنا ولا فارق معايا إلا القيادة السياسية الناس اللي جابوني، غير كدا مفيش حد يفرق معايا غير الشعب المصري”.
