موقع نجوم بلس ينقل لكم أحدث الأخبار لحظة بلحظة من مصادر موثوقة، مع تغطية شاملة لمختلف المجالات لضمان وصول المعلومات إليكم بدقة وشفافية. تابعونا لمعرفة التفاصيل أولًا بأول.
علق مطرب المهرجانات حمو بيكا، على الانتقادات الموجهة لصديقه الفنان حسن شاكوش، في الآونة الأخيرة بسبب تدهور أدائه الغنائي.
ونشر حمو بيكا عبر حسابه الرسمي على “فيسبوك” مقطع فيديو لحسن شاكوش، معلقًا عليه، بقوله: من فضلكم لازم تسمعوا ولا للتنمر اللي بيهزر وبيتريق على حسن شاكوش عشان صوته تعبان، أحب أقول لكم حاجة: “الرجولة مش بس صوت، الرجولة مواقف وصمود وشغل وتعب وشقى عشان يوصل!”.
وأضاف: “حسن شاكوش أخويا، صاحبي، عشرة سنين، راجل شاف كتير ولسه واقف على رجليه، بيغني وهو تعبان، وبيعافر وهو مجهد، وده مش ضعف… ده قوة قلب ومعدن أصيل!”.
صوته مجهد
وتابع: “المطرب الحقيقي مش اللي صوته حلو وهو مرتاح… المطرب الحقيقي هو اللي بيغني من قلبه حتى لو صوته مجهد… وبيفرّح الناس حتى لو هو موجوع!… الناس اللي قاعدة ورا الكيبورد تتريق؟ ولا واحد فيهم يقدر يوقف دقيقة مكان الراجل ده في حياته!.. أنا واقف معاك يا شاكوش لآخر نفس وكلنا عارفين إنك راجع أقوى، وده وعد من حمو بيكا قدام الدنيا كلها!”.
صوت حسن شاكوش
وفي وقت سابق، أثارت مقاطع فيديو انتشرت لحسن شاكوش، وهو يغني بصوت بدا ناشزًا ومتعَبًا، موجة من السخرية والانزعاج بين رواد وسائل التواصل الاجتماعي، وسط تساؤلات حول أسباب التدهور المفاجئ في أدائه الصوتي.
وغنى شاكوش، في إحدى حفلات الزفاف، مهرجان “أنا لسه ثابت متهزتش”، وظهر وكأنه يعاني من تمزق صوتي خلال محاولته للوصول إلى طبقات عليا من الصوت، مما دفع كثيرون للسخرية من الأداء وتداوله على نطاق واسع.
