طارق يحيى: «كنت بكلم العفاريت في مدرج نادي الزمالك» – نجوم بلس

قال طارق يحيى، لاعب نادي الزمالك السابق، إنه شاهد «عفاريت» خلال إقامته في مدرج نادي الزمالك، على حد زعمه.

وأوضح يحيى، خلال استضافته في برنامج «الستات» على قناة «النهار»: «أنا ابن نادي الزمالك وتربيت داخل النادي، ونمت في المدرج بتاع نادي الزمالك، أنا العفاريت كانت بتكلمني للصبح».

وأضاف: «آه والله، كان في ناس بتجري وتصفر، أنا كنت ساكن تحت المدرج، اللي فيه ناس ماتت فيه، الأرواح بتاعتها كانت بتطلع لي، أنا قعدت في أوضة تحت المدرج 6 شهور، مكنش فيه شقق».

وتابع يحيى: «كنت بنام لما العفاريت يناموا الصبح، ناس بتجري، وبعدين صفير، أول ما الصبح يطلع يناموا، وبعدين أنا أنام، كنت جايب راديو صغير أعلي صوت القرآن لغاية ما يناموا، وبعدين أنا أنام