موقع نجوم بلس ينقل لكم أحدث الأخبار لحظة بلحظة من مصادر موثوقة، مع تغطية شاملة لمختلف المجالات لضمان وصول المعلومات إليكم بدقة وشفافية. تابعونا لمعرفة التفاصيل أولًا بأول.
وجّه الفنان سعد الصغير رسالة مؤثرة للمطربة بوسي، وذلك بعد خروجها من أزمتها وإخلاء سبيلها اليوم، بعد تقديمها معارضات على أحكام قضائية صدرت ضدها، عقب القبض عليها أثناء وجودها بمطار القاهرة قبل سفرها إلى دبي.
وأكد الصغير، فى تصريحات له، دعمه الكامل لها، واعتذاره عن أي إساءة أو سوء تفاهم حدث بينهما في السابق.
وقال سعد الصغير: أنا بعتذرلك قدام الناس كلها، لو كنت غلطت أو زعلتك، اعتبريها غلطة، وأنا اللي بقولك ده قدام الجميع، أنا ما قصدتش كنت أشهر بوالدك رحمه الله أو أعمل تريند، أنا فعلاً كنت بحاول أعمل خير .
وأضاف: وأنا بشهد قدام الكل إنك إنسانة طيبة ومحترمة، بوسي مش مجرد زميلة، دي أختي، واتربينا سوا، وبقولها دلوقتي من قلبي: إنتِ صوت مصر، وأحسن صوت شعبي، وده مش كلام جديد، أنا كنت بقول كده دايمًا حتى قبل أي خلاف، وأنا عمرى ماافرح فيكى زى مابيتقال من البعض.
وأضاف الصغير الحمد لله ربنا عدى أزمة بوسى على خير وهى إنسانة طيبة تستاهل كل حاجة حلوة، وأنا كلمت ناس عشان أكون جنبك، ربنا يخليلك ابنك، ويرزقك راحة البال.
وأكد الصغير أنه سبب معرفتها على الملحن محمد عبد المنعم وتقديم اغنية “آه يادينا” التي تركت بصمة كبيرة في مشوارها ومن اهم اغانيها، وكنت سبب في وجودك ونجاح الاغنية .
يُذكر أن العلاقة بين سعد الصغير وبوسي شهدت توترًا في الفترة الماضية، إلا أن رسالته الأخيرة جاءت لتفتح صفحة جديدة، وتعكس حرصه على إنهاء الخلافات، ودعمه لها في أزمتها.
