موقع نجوم بلس ينقل لكم أحدث الأخبار لحظة بلحظة من مصادر موثوقة، مع تغطية شاملة لمختلف المجالات لضمان وصول المعلومات إليكم بدقة وشفافية. تابعونا لمعرفة التفاصيل أولًا بأول.
أصدرت النيابة عامة بيانا توضح فيه مشكلة أرض 6 أكتوبر والتي ارتبطت بنادي الزمالك خلال الفترة الماضية .
تصريحات عمرو أديب
وصرح الإعلامي عمرو أديب بخصوص البيان قائلا :” اللي أنا فاهمه إن خلاص الأرض بتاعة أكتوبر دي انتهت ومبقتش موجودة وبقالي كام يوم بقول إحساسي كده”
وتابع :”كده خلاص مفيش أرض أكتوبر تاني لنادي الزمالك ده نمرة واحد وكل الجهات اللي اشترت في أرض الزمالك دي جهات رسميه يعني أموال الدولة”
وتسائل :”الناس دي فلوسها راحت فين؟
وتباع :”في بنوك كبيرة وجهات رسمية دفعت فلوس، فلوسهم هترجع ازاي طيب،دلوقتي لما المشروع كله يتلغي كده خلاص ، الفلوس دي هترجع دلوقتي إزاي فكده كأنها أموال مجمدة.”
عمرو أديب يؤكد ضياع أرض الزمالك
وأكد :”إحنا في وضع سيء للأسف ،كده الأرض ضاعت وكده مفيش أرض ده حاجه شبه مؤكدة ، الحديث عن الأرض البديلة ،لازم تكون موجوده وتقولوا للناس الأرض اهيه تعالوا اشتغلوا يلا علشان ترجعوا الفلوس اللي ادفعت ”
وواصل:” رسالتي لمجلس إدارة نادي الزمالك اتعاملوا مع الأمر الواقع ،الأرض راحت خلاص ، روحوا شوفوا الأرض الثانية فين مكانها وهتعملوا ايه وأيه هتكون الحلول “
عمرو أديب يفجر مفاجأة بشأن مجلس إدارة الزمالك
وتباع :”الأمر بيتأزم لان ممكن خلال ساعات تلاقي المجلس مطلع بيان بالاستقالة والدعوة لانتخابات مبكره .. هيقولك أنا هتحقق معايا وهيحصل وهيحصل طيب ليه كل الامور دي يا جماعة “
احنا بنتكلم على انهيارات ورا بعض بقى ،لو جيه بكره كابتن حسين لبيب واللي معاه قالوا احنا مستقلين خلاص لمصلحة مين ده كله
واختتم :” لمصلحة مين الكيان ده كله يقع ، لازم حلول سريعة لحل الأزمة من كل الجهات لان العواقب هتبقى سيئة
لازم أعلى المصلحة العليا فوراً”
