موقع نجوم بلس ينقل لكم أحدث الأخبار لحظة بلحظة من مصادر موثوقة، مع تغطية شاملة لمختلف المجالات لضمان وصول المعلومات إليكم بدقة وشفافية. تابعونا لمعرفة التفاصيل أولًا بأول.
حلت الفنانة مي عمر ضيفة على الإعلامي عمرو أديب في برنامج “الحكاية”، لتكشف تفاصيل مسلسلها إش إش الذي عرض في الماراثون الرمضاني السابق 2025.
وردت مي عمر على مُنتقدي العمل قائلة: لم نقدم إلا 8 رقصات في مسلسل إش إش، توقيتهم 8 دقايق في 30 حلقة ورغم إنها راقصة لكن ملابسها مكانتش مكشوفة.
وأضافت: الناس اللي هاجمت إش إش كانت واخدة انطباعات غلط عن المسلسل قبل بداية عرضه، كانوا فاكرينه كله كباريهات ورقص، لكن بعد المشاهدة اكتشفوا إنه اجتماعي.
وتابعت: اتعلمت الرقص من أجل المسلسل، لكن أثناء التصوير كانت معانا راقصة بديلة، علشان تعمل الحركات المحترفة، وفكرة الدوبلير مش غريبة على شغلانتنا سواء في مشاهد الأكشن أو غيرها.
وواصلت: دينا عرضت عليا تعلمني الرقص، لكنها كانت مشغولة بالتصوير، فاستعنت بأكتر من مدرب رقص متفرغ
محمد سامي واخد قرار البعد عن الدراما التلفزيونية قبل رمضان، لأنها مرهقة جدا، والسنة دي عمل مسلسلين، فقرر ياخد بريك يريح شوية وبعدين يرجع تاني.
واستكملت: دايما فيه تهمة إني بشتغل مع محمد سامي، رغم إنه من أهم المخرجين، وكنت بحسد أي ممثلة اشتغلت معاه، لانه بيهتم بالممثل وأمين جدا عليه، لكن رمضان القادم هشتغل من غيره، الستات في الوطن العربي ناقصهم حب واهتمام واحتواء فلما بيلاقوا راجل حنين وطيب ومبيستخسرش في الست اللي معاه حاجة بيعشقوه زي ما حصل مع رجب الجريتلي.
وعن مشهد نهاية إش إش ودخول كريم فهمي في العمل، قالت مي عمر: مشهد نهاية المسلسل كان تخيلي، بتحقق فيه كل أحلامها، لكن مشهد جوازها من كريم فهمي مكانش حقيقي، كان مجرد تخيل، وهي في الامتحان، إحنا مصورين نهاية إش إش بكريم فهمي في أكتوبر الماضي، قبل مشاركته في مسلسل وتقابل حبيب، وبالتالي لا علاقة ولا ربط بين ظهوره في المسلسلين.
